منتديات منيف ابوغانم
هلا بكم فى منتديات منيف ابوغانم مليون مرحبنا يرجى الدخول او التسجيل اذا كنت تحب الانضمام الينا

الحب الحقيقي

اذهب الى الأسفل

منقول الحب الحقيقي

مُساهمة من طرف سعيد الوحدة في الجمعة أبريل 16, 2010 9:54 am

هذه قصيدة عن الحب الحقيقي باللغة المحلية عندنا






لله احكيلي على الحب وقولي برك وين نلقاه

راح نحاول باش نجاوب كيفا ش انا نشوف معناه

ودير في بالك هاذ الحب مراكش وحدك حاصل معاه

شحال من واحد راه يتعذب والحل ديالو مزال ما لقاه

مايفيدوش معاه تجارب مايفيد ملك ولا جاه

إشحال طوع من محارب وحسرة شحال من فارس بكاه

شحال مسلطان عشى مذبذب سمح في ملكو وراح معاه

شحال من بيت عشى رايب دخل فرق ناسو وخلاه

وحصرا شحال من واحد هرب وخلى ولادو يبكو موراه

شحال من شاب شحال من شايب شحال من واحد الحب عماه

لحق حتى ولا يضرب ولادو ،زوجتو أو يمّاه

يالي سألتني على الحب على ما نضن والعلم لله

قلبك هو اللّي راه مخرب وما راكش عارف حتى وين راه

دير في بالك ذاك الحب الي يهرب و تجري موراه

و لما يجري أنت تهرب عمرك ما راح تتلاقى معاه

على خاطر هذاك لعب مديور للي يتبع هواه

ما تنال منو غير التعب ديرو كيما خيالك و انساه

فرغ قلبك و عاود رتب و خلي عقلك يخدم معاه

و قبل ما تحب لازم تحسب باش كي تمدو تمدو لمولاه

هيا نبداو من أول حب ….أول حب هو
الله


الي عطالك هذاك القلب الي راك تحوس باش تملاه

و لوكان برك ليه تقرب أقرب منك رايح تلقاه

كلما تحصل قولو يا رب وهو يقولك راني الاه

و بعدو يجي ثاني حب هو حبيبنا و حبيب الله

عليه الصلاة و السلام تعب باش صفى قلبك او نقاه

حبو عليا و عليك واجب سعدو الواحد للي بغاه

يحشر المرئ مع من احب تخيل روحك قاعد معاه

و من بعدو يجي ثالث حب أنه الواحد يحب يماه

تسع شهور و هو يتقلب وهي مسكينة تتقلب معاه

سنين و سنين و هي تتعذب وين يطيح يلقاها حداه

حتى نهار يولي شايب يبقى طفل في عيون يماه

ومن بعدها يجي رابع حب أنو الواحد يحب باباه

لأنه خرج من بين الصلب و الترائب الي جواه

شحال شقى و شحال تعذب باش كبر و باش رباه

ابن ادم وكل ما كسب هو ومالو ملك له

و من بعد خامس حب هو الشريك لي تعيش معاه

دير في بالك نهار تتحاسب نصف الدين هو تلقاه

تعيش معاه بلي كتب و تتقاسمو كل شي انت وياه

وتتعاشرو و معاه تنجب طفل صغير لعقايب تلقاه

وهذاك الطفل سادس حب ماتحبش ولد دون سواه

سبعة داعب و سبعة أتعب و سبعة صاحب دور معاه

ومن بعد يجي سابع حب من رحم واحد انت وياه

خوك خوك لايغرك صاحب حتى الصاحب في الشدة تلقاه

وهذاك الصاحب ثامن حب تتقاسمو كل شي انت وياه

تتعاشروا فالخير والواجب يظللكم ربي انت وياه

وتاسع حب هوما الأقارب الرحم ديالك
ما تنساه


ومن بعد يجي عاشر حب جارك الي تسكن حداه

والمريض لي راه يتعذب دقيقة واحدة اقسمها معاه

طل عليه إذا كان تحب ربي سبحانه ثم تلقاه

او اليتيم الي فقد الأب ولا حتى الي فقد يماه

امسحلو راسو وابدا تحسب في كل شعرة أجر تلقاه

والفقير الي ما كسب و الي ما لحقش قوت عشاه

واش راك تاكل واش راك تشرب ؟ يالوكان خبزة اقسمها معاه

ومن بعدهم تقدر تحب كل مومن في طريقك تلقاه

لانو ربي سبحانو كتب المومنين خاوة في الله

يالي سالتني على الحب بالنسبة ليا هذا معناه



_





















________________
[ندعوك للتسجيل في المنتدى أو التعريف بنفسك لمعاينة هذه الصورة]
avatar
سعيد الوحدة
مشرف المنتدى العام
مشرف المنتدى العام

تاريخ التسجيل : 25/02/2010
العمر : 32
الموقع : الجزائر
العمل/الترفيه رياضة و مطالعة

الرجوع الى أعلى الصفحة اذهب الى الأسفل

منقول رد: الحب الحقيقي

مُساهمة من طرف ملك في السبت أبريل 17, 2010 11:13 am

شكرا لك أخى سعيد

على معنى الحب الحقيقى

عشرة أنواع من الحب الحقيقى أبدعت فيهم

تحياتى لك و لأهل الجزائر و اللهجه الجزائرية
avatar
ملك
نائبة المديرالعام
نائبة المديرالعام

تاريخ التسجيل : 24/12/2009
العمر : 32
الموقع : Egypt

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى